一連三日嘅「2026黃大仙情人節新春市集」已經喺2月15日完美結束啦🥳！今次活動吸引咗無數市民同遊客前來，一齊感受新春同情人節嘅雙重喜悅，場面熱鬧非凡🔥！

🎊開幕亮燈 星光熠熠

活動首日（2月13日）好榮幸邀請到民政及青年事務局局長麥美娟、全國人大常委李慧琼、中聯辦九龍工作部處長黃想平、港區全國政協委員陳婉嫻、港區全國人大代表及九龍社團聯會理事長徐莉、黃大仙民政專員Thomas、中國香港文化體育旅遊協會主席鄧雯蕙，以及一眾立法會議員等擔任主禮嘉賓，為市集舉行亮燈儀式💡，象徵住一連串精彩活動正式展開！

🌟浪漫打卡位 滿載溫馨

場內布置咗繽紛燈飾、🐴馬年賀年裝飾、情人節心意卡許願區，仲有💖心形主題拱門，每一個角落都充滿浪漫同喜慶氣氛，吸引咗唔少人驻足拍照留念📸，記錄低美好時刻！

🛍️近30個攤檔 人頭湧湧

市集設有近30個美食🍽️、乾貨同賀年產品攤檔，無論係傳統小食定係特色年貨，都大受歡迎👏，市民紛紛排隊選購，齊齊「豐衣足食」過新年🧧！

🎥《他和她@黃大仙》情人節首映

2月14日情人節下午，場內更舉行咗黃大仙文旅宣傳短片——《他和她＠黃大仙》嘅首映禮💕，吸引咗唔少情侶同市民一齊見證呢個浪漫愛情故事，為情人節增添更多甜蜜氣氛👩🏻❤️‍👨🏻！

🙏感謝支持 期待再見

今次活動能夠順利舉行，衷心感謝黃大仙區議會、中國香港文化體育旅遊協會，以及所有參與單位嘅全力支持🙌！亦多謝每一位入場嘅市民同遊客，你哋嘅熱情同笑容，係活動最美好嘅一部分💖！

#黃大仙民政處 #黃大仙區議會 #中國香港文化體育旅遊協會 #18區日夜都繽紛 #2026黃大仙情人節新春市集 #黃大仙文旅宣傳短片 #他和她在黃大仙 #情人節首映禮 #情人節 #周末好去處 #親子好去處 #黃大仙廣場 #市集 #免費入場 #打卡熱點 #活動回顧